Zer da Erletxea?

Inprimatzeko egokitutako bertsioa

logotipoInformazio eta hausnarketarako erlauntza da erletxea, akzio eta agitaziorako lekua. Baina ez hori bakarrik, sormen eta bihurrikeriaz beterik dago. Espazio fisiko zein birtuala da. Kale Nagusiko 5.eko lokal bat bezain eskuragarria da, eta baita bertan sortzen diren ideia, hausnarketa eta sentimenduak bezain ukiezina. Erletxea taldea, elkartea, elkartasuna da. Denona da.

Talde lana da. Eraldaketa soziala helburu duen talde lana. Mugimendua da, ibili beharreko bidea, zuzenean urruneko zeruertzerantz doana. Feminista da, edo ez da izango. Berria da, eta zaharra, doinu berdinarekin dantzan. Aldaketa beharra da, minarekin bukatu beharra, eta batez ere min hori sortu eta ugaltzen dutenekin amaitu beharra. SISTEMA KAPITALISTA akatu nahi dugu. Ezarritakoari, araututakoari ostikoa ipurdian. Dena nahi dugu, eta orain nahi dugu. Posiblea dena amesteko unea da eta ezin dena exijitzekoa. Azken finean, zu, gu eta zuek gara. Borroka uhartedi izan nahi duten irla txikiak gara. 

Zer dira Herri Ziztadak?

Akzioa dira, agitazioa. Elkarlana da, sentsibilitate eta ekimenen batuketa. Ideia eta ekintzen itsagora eta itsasbehera, "Irun, la ciudad del buen humor"-ekin hasi zena eta Sistema Kapitalistarekin amaitu besterik nahi ez duena. Geldirik egotea jada ez da aukera! Abian jartzeko garaia da. Mugitzeko garaia. Eskubideen alde egiteko garaia. Salatzeko garaia. Zaharretik berria sortzekoa. Interneten, baina batez ere kalean, plazetan, ikasketa zentruetan, lantokietan, tabernetan... Noiznahi eta nonahi. Pertsonentzat diren eta galduak ditugun espazioen berreskuratzea da. Inkomunikazioaren aurkako komunikazioa. Jasan, jasan, jasan... izanaz nekaturik gaude. "Umore oneko hiria"-z asperturik gaude, langabeziaz, pobreziaz, bazterketaz nazkaturik gaude. Noiz arte? Denok dugu erantzuna.

etiquetas: 

Noticias de Erletxea

Larrialdian, gertuko laguntza

argazkiagipuzkoa.hitza.info.- Muturreko egoera batean dagoenak baino ez daki buru barrutik zer pasatzen zaion. Nora joan, norekin hitz egin, nori eskatu, zer eskatu? Galdera horiek argitzen laguntzeko abian da Erletxea, Bidasoko gizarte mugimenduetako boluntarioek Irungo Kale Nagusian ireki duten informazio gunea. Urtarrilaren 20an abiatu zuten, astelehen goizero han izaten dira, eta, dagoeneko, 40 pertsonari baino gehiagori lagundu diete.

Krisiarekin estu eta larri dauden familiak ugaritu egin dira, eta erakundeek ahalegin handiak egiten dituzte zeregin horretarako baliatzen dituzten aurrekontuak ez murrizteko. Baina urtetik urtera zailtzen dira onuradun izateko irizpideak, eta, askotan, erakundeetara laguntza eske jotzen duena haietara joandakoan baino zalantza gehiagorekin ateratzen da gizarte zerbitzuetatik.

Babesgabetasun sozialaren aurrean, informazioa

argaskia

Urtarrilak 20 dituen honetatik aurrera, astelehenero 11:30etatik 13:00tara, bulego hau irekirik egongo da Lanbide-Euskal Enplegu Zerbitzuak kudeatzen dituen prestazioen berri emateko helburuarekin: Diru-sarrerak Bermatzeko Errenta, Laneko Diru-sarrerak Osatzeko Errenta, Etxebizitzarako Prestazio Osagarria eta Udalak zuzenean kudeaturikoak bezelako Pentsio Osagarrien inguruan informatzeko (hala nola Gizarte Larrialdietarako Laguntza eta Diru-sarrerak Bermatzeko Laguntza).

Informazio ezagatik edota informazio ez-osoa dela eta zenbait pertsona eskubide diren gizarte laguntzarik gabe uzten delaren egiaztapena izan da bulego hau irekitzera bultzatu gaituen arrazoietariko bat. Beste arrazoi bat eskubide sozialen aldeko borroka da. Horrela banakakoa, baldintzarik gabekoa eta unibertsala den Parekoen Oinarrizko Errentaren alde lan egitea da gure asmoa. Baita laguntza hauek arautzen dituzten lege horien hausteak eragin dezakeen salaketa soziala zein bidegabeak izateagatik lege hauen salaketa bera ere.

Noticias de Herri Ziztadak

Aldi baterako Jardueren Ordenantza: Inposizioa eta parte-hartze herritarraren aurkako eraso berria

foto

Beste behin ere salatu nahi izan dugu Irungo udal gobernuak ez diola jaramonik egin herritar taldeek parte-hartze prozesuak mezu elektroniko eta ez-lotesleetatik harantz izan daitezen eskatzeko eginiko eskakizunari. Udal gobernuak aukera hau pausu bat gehiago emateko balia zezan nahi genuen, hiri birtualki parte-hartzaile batetik hiri benetan parte-hartzaile baterako aldaketa emanez.    
 
Atzo aurkezturiko ordenantzaren onarpenarekin gure ustetan parte-hartzearen heriotza gertatu da. Udal gobernu honen harrokeriak, nagusikeriak eta “despotismo demokratikoak” hil du parte-hartzea, mezu elektroniko bat eta auzoetan egindako bilera pertsonalista eta paternalistak parte-hartze deitzen baditu.  

“Aldi baterako Jardueren Ordenantza”-ren zirriborroa zalantzan jartzeko arrazoiak eta egiazko parte-hartze prozesu baten eskaera

fotoBehean sinatzen dugun eragile, erakunde eta taldeek gure hirian aldi baterako jarduerak arautuko dituen ordenantzaren zirriborroari buruzko gure iritzia eta jarrera azaldu nahi dugu. Aipaturiko zirriborroa bazter dadin eskatzea eragiten duen iritzia. 

Ahalguztiduntasunetik proposaturiko ordenantza testu honek jasotzen dituen jarrerak ugariak direla ulertzen dugu, Udaletxetik eztabaidagarriak diren zilegitasunak bereganatzen direlarik, orain idatzia dagoen moduan irundar guztiona diren espazio publikoetako elkartze-jarduerak hura onartzea zailtzeraino. Halaber kezka handiz ikusten dugu zirriborro honetan agerturiko apustu zigortzailea, gure ustez jarrera kontrolatzailea eta murriztailea barne hartzen dituena, isilune administratiboaren erabilera zentzu honetan erabiltzea azpimarratuz. 

Balizko jarduerako erregulatzaile ordenantza Irunen

foto

Zuetako gehiengoak dakizuen moduan, Udal Gobernuak uztailean ezagutarazi zuen udal-ordenantza bat onartzeko asmoa, espazio publikoan burutzen diren ekintza-ekitaldi desberdinak arautzeko ahaleginean.

Azkenaldiko Irun hiriko historian esparru ezberdinetako elkarteak izan dira, ein handian, jarduera kulturalak sustatu dituztenak, kale eta lokalak iragarleen ahalegin eta ilusioarekin beteaz.

Mugimendu guzti honen garapenean udalaren papera ezinbestekoa da baliabide eta baimenak ahalbidetzeko, jardueren antolakuntza eta ideien eragile diren elkarte eta pertsonak ere ezinbesteko diren moduan. Kasu askotan beraz, bien elkarlana funtsezkoa da.

Eremu publikoen erregulazio administratiboaren beharra ulertzen dugu, baina arautze horren lanketan guztion iritzi eta parte-hartzea ere ezinbestekoa dela pentsatzen dugu, jai-ekintza eta ekintza kulturalen alde aktibo guztiak kontutan hartu gabe Irun gaur dena izango ez litzatekeelako.

Horregatik Udal Gobernuak proposatzen duen moduan abuztuan zehar email bidezko partaidetza nahikoa ez dela uste dugu, hain zuzen asoziazionismoaren zati handi batek beharrezkoa duen geldialdia egiten duelako.

Udalak irailaren 15ra arte eman du ekarpen eta iruzkinak aurkezteko epea, baina zuen elkarlanarekin egiazko partaidetza-prozesu bat lortu dezakegula pentsatzen dugu, aktibitate publikoarekin zerikusia duten gaiak (besteak beste baimenen eskaera epeak, arauen hausteak eragindako isunak) eztabaidatzeko gune batekin.

Horregatik udalak honetarako prestatu duen emailera idazteko gonbitea luzatzen dizuegu: participacion@irun.org, ordenantzaren sorkuntzan egiazko partaidetza-prozesua eskatuz, beharrezko epe eta dinamikak errespetatuz.

Bidaliriko eskaera guztien ezagutza globala izan dezagun, zera eskatzen dizuegu, nahi izanez gero info[æ]erletxea.org-ra mezu bat bidaltzea edota hobe erletxeko emaila ezkutuko kopia moduan jartzea.

Modelatzen dudan bezala erabiltzeko testua

Balizko jarduerako erregulatzaile ordenantza Irunen buruz ohartxoak

Balizko jarduerako erregulatzaile ordenantza Irunen zirriborroa. Hemen ordenantza jaitsi dezakezu edo Hemen ordenatza irakurri dezakezu

Queréis desmantelar nuestra dignidad. Herritarrok gure etorkizuna eraikitzen!

cartel

Herri Ziztadak ekimenetik datorren maiatzaren 30rako Euskal Herriko kolektibo sozial eta sindikalen gehiengoak deituriko GREBA OROKORRERAKO gonbidapena egin nahi dugu

Herri Ziztadak-etik goizeko 10etan Mendibil Merkatal Guneko plazatik atera eta Zabaltza Plazaraino joango den manifestazioaren bidez parte hartzeko deia egiten dugu. 

Manifestaldia ¡Desahucio Real YA! Monarkia Kanpora!

cartelBihar, larunbata 11, 21:00etan jokatuko den areto-futboleko Errege Koparen finala dela eta, Herri Ziztadak ekimenetik, monarkia espainiarra bezalako inposaturiko instituzio zaharkitu eta bizkarroiari gure haserrea, ezinegona eta ukazioa erakusteko irundar guztiak deitzen ditugu. Monarkiaren ukazioak batzen gaitu, eta horregatik, sentsibilitate eta argudio desberdineko pertsona guztiak larunbaterako deitu dugun manifestaziora gonbidatzen ditugu, gurekin batera gutxiespen hori agerian jartzeko. Manifestazioa Urdanibia Plazatik (Mosku) irtengo da Artalekurantz, ¡Desahucio Real YA! Monarkia Kanpora! lemapean. 



pobrezia +, langabezia +, borroka + Maiatzaren lehenengo honetan kaleak hartuko ditugu. Herri Ziztadak Sistemaren aurka

Kartela

Pasa den martxoaren 15ean egin bezala, maiatzaren lehenengo honetan ere kalera aterako gara. Horren data nabarmenean ezin etxean geratu. Arrazoiak soberan ditugu eta. Irunen 5000 pertsona baina gehiago daude langabezian, EAE eta Gipuzkoakoa baina dexente handiagoa den batazbestekoa eta %20 ingurura iristen dena. 900 familia baina gehiago dira Larrialdietako Laguntzei esker bizi direnak. Hamaika euren etxeetatik kaletaturiko familiak. Gure herrikideen artean pobrezia, marjinazio eta bazterketa jasaten dutenen tasa handiagoa da egunez egun. Lan arloan, pentsioetan, hezkuntzan, osasungintzan... konponbidea murrizketak diren bitartean, bankuei diru gehiago, obra faraoniko gehiago eta plan errealen falta zein lanpostu duinak sortzeko baliabide publikoen inbertsio txikiagoa ematen da. Hau horrela, geroz eta handiagoa da kaleak hartu eta bidegabeko politika hauei aurre egin eta borrokatzeko beharra. Ez da krisia, kapitalismoa da! 

Hizkuntzak

Horario

LUNES

 Oficina sobre información sobre Ayudas Sociales

(12:00-13:30)

 

JUEVES

Stop Desahucios
(11:00-13:00)

Dónde estamos: Calle Mayor 5, Irun


View Larger Map