Iraila 2013

Aholku baliagarriak

 

GIZARTE LANGILEEKIN ELKARRIZKETEI  AURRE EGITEKO AHOLKU BALIAGARRIAK

Jende asko dago gizarte zerbitzuetara laguntza eske joaten hasia dena, aurretik inoiz horrelako tramiterik egin ez duelarik eta udal-gizarte langileen aldetik jasotako erantzun eta harrera berengana joandako pertsonarekiko tratu txarra eta oztopoak jartzea besterik ez dira. 

Egoera honen aurrean komunitatearen ongizatea bermatzeko lanean dihardutenen utzikeriarengatik gutxietsirik edota mespretxaturik ez sentitzeko kontutan izan beharreko zenbait jarraibide landu ditugu. 

Garrantzitsuena zera da: BAKARRIK EZ ZAUDELA GOGORA EZAZU, ez utzi zure autoestimua hondatzerik eta elkarrizketara zure buruaz ziur joan. 

  1. Elkarrizketara joan aurretik ongi informatu eskatu behar duzunaz eta eskatuko dizuten dokumentazioa prestatu, honek denbora aurreztuko dizu eta zure eskaera egiteko ziurtasuna emango dizu. EZ ZAITZATELA PAPEREKIN ZEIN KONTRAESANEZKO INFORMAZIOAREKIN EROTU

  2. Ez joan bakarrik, adorea eman diezazukeen familiako norbaitek edota lagunen batek lagun zaitzala. Segurtasuna ematen badizu sostengua emango zaituen konfiantzazko norbaitekin joan. 

  3. Eskatzen diezun informazio guztia idatziz ematea eskatu, aurkeztu beharreko dokumentazioa eta batez ere edozein tramite egiteari ezetz esaten badiote edo laguntzaren bat ez dagokizula esaten badizute. Idatziz ez dagoena ezin da erreklamatu. ETA GOGORATU BEREN LANA DELA ETA EZIN DUTELA EZETZ ESAN

  4. Ez duzu zertan frogatu behar ez duzun zure bizitza pertsonaleko xehetasunik eman, esaterako “bikoterik duzu?”, “lagun zaitzakeen guraso edo seme-alabarik duzu?”, zu independentea zara eta ez duzu beste pertsonen diru-sarrerara jo beharrik. Zure famili unitatea zu zara, eta asko jota zure ardurapean dauden eta zurekin bizi diren pertsonak, zure gurasoekin, seme-alabekin, bikotearekin... bizi ez bazara, ez duzu haien diru-sarrerei edo baliabideei buruzko detailerik eman beharrik.

  5. Ez ezazu utzi kontu ekonomikoengatik karitate erakundeetara desbideratu zaitzaten. Benefizentzia taldeek EZ DUTE DIRUA KUDEATZEN, elikagaiak, arropa, jostailuak... baizik. ADMINISTRAZIOAREN BETEBEHARRA DA PRESTAZIO PUBLIKOEN DIRU-SARRERA GAUZATZEA

  6. Azkenik, ARGI EDUKI: ZURE EGOERAREN ATZEAN ERANTZULE ASKO DAUDE! (enpresa, administrazio publiko, politika arduradun, banketxe zein bankari... gauden lekuraino ekarri gaituztenak). 
     
  7. DBE edo EPOa jasotzen ari bazara kontutan izan Lanbidek ez dizula DBEaren berrikuntza jakinaraziko, bi urtean behin egin beharrekoa dena, ez eta sei hilero alokairu/hipoteka ordainagiriak entregatu behar dituzunik ere. Adi egon beharko duzu epea joan ez dadin, honek laguntzaren suspentsioa eragin baitezake. 

ZURE ESKUBIDEA ERABILTZEN ARI ZARA ETA POLITIKARI EDOTA TEKNIKOAK EZ DIRA INOLAKO MESEDERIK EGITEN ARI.

Baina hala ere, beti izango dugu salaketa publikoa. Orain arte ikusi da erabakitzen dutenek falta duten sentsibilitatea behar dutena eskuratu arte borrokan ibiliko den jendea aurrez aurre izatean bereganatzen dutela. Bereziki gogorrak diren kasuak ezagutzen ditugu salaketa praktikan jartzeko. 

BIZI DUIN BAT IZATEKO GUTXIENEKO BEHARREKIN EZ DA JOLASTEN!

Aldi baterako Jardueren ordenantza

Erletxeatik Aldi baterako Jardueren Ordenantzari eta Irungo udal-gobernuak aukeraturiko parte-hartze bideari buruzko gure iritzia adierazi nahi dugu. 

Ordenantza hirian edozein jarduera mota egiteko beharrezko baimenen kudeaketa hobetu eta bizkortzetik urrun dagoela deritzogu. Kalea pertsonen zein jarduera kultural, jai-giroko, edota sozialen arteko elkarbizitza espaziotzat ulertzen dugu, sorkuntza, aniztasun, espresio eta harreman sozial zein taldekoek hiriaren bizitza aberasten dutelarik. Aurkezturiko ordenantzak jardueren murrizketarako bidea irekitzen duela pentsatzen dugu, eta berauek aurrera egiteko beharrezko baimenak lortzea zailtzen duela (baimenak gutxienez 15 egun lehenago eskatu behar izatea, udalak erabakitzea zein jarduerek duten herri-interesa, isilune administratiboaren efektu gaitzeslea, jardueraren gaitzespenari helegitea aurkezteko prozesurik ez mahaigaineratzea, besteak beste). 

Aurretik aipaturiko arrazoiez gain, ordenantzaren edukiari dagozkienak, batez ere udal gobernuak aukeraturiko parte-hartze-bideak kezkatzen gaitu gehien, eta berau aurkezteko uztaila aukeratu izanak, hori baita elkartze-mugimendu gehienek urteko beste hilabeteekin alderatuz ekintza eskasagoa duten unea. 

Balizko jarduerako erregulatzaile ordenantza Irunen

foto

Zuetako gehiengoak dakizuen moduan, Udal Gobernuak uztailean ezagutarazi zuen udal-ordenantza bat onartzeko asmoa, espazio publikoan burutzen diren ekintza-ekitaldi desberdinak arautzeko ahaleginean.

Azkenaldiko Irun hiriko historian esparru ezberdinetako elkarteak izan dira, ein handian, jarduera kulturalak sustatu dituztenak, kale eta lokalak iragarleen ahalegin eta ilusioarekin beteaz.

Mugimendu guzti honen garapenean udalaren papera ezinbestekoa da baliabide eta baimenak ahalbidetzeko, jardueren antolakuntza eta ideien eragile diren elkarte eta pertsonak ere ezinbesteko diren moduan. Kasu askotan beraz, bien elkarlana funtsezkoa da.

Eremu publikoen erregulazio administratiboaren beharra ulertzen dugu, baina arautze horren lanketan guztion iritzi eta parte-hartzea ere ezinbestekoa dela pentsatzen dugu, jai-ekintza eta ekintza kulturalen alde aktibo guztiak kontutan hartu gabe Irun gaur dena izango ez litzatekeelako.

Horregatik Udal Gobernuak proposatzen duen moduan abuztuan zehar email bidezko partaidetza nahikoa ez dela uste dugu, hain zuzen asoziazionismoaren zati handi batek beharrezkoa duen geldialdia egiten duelako.

Udalak irailaren 15ra arte eman du ekarpen eta iruzkinak aurkezteko epea, baina zuen elkarlanarekin egiazko partaidetza-prozesu bat lortu dezakegula pentsatzen dugu, aktibitate publikoarekin zerikusia duten gaiak (besteak beste baimenen eskaera epeak, arauen hausteak eragindako isunak) eztabaidatzeko gune batekin.

Horregatik udalak honetarako prestatu duen emailera idazteko gonbitea luzatzen dizuegu: participacion@irun.org, ordenantzaren sorkuntzan egiazko partaidetza-prozesua eskatuz, beharrezko epe eta dinamikak errespetatuz.

Bidaliriko eskaera guztien ezagutza globala izan dezagun, zera eskatzen dizuegu, nahi izanez gero info[æ]erletxea.org-ra mezu bat bidaltzea edota hobe erletxeko emaila ezkutuko kopia moduan jartzea.

Modelatzen dudan bezala erabiltzeko testua

Balizko jarduerako erregulatzaile ordenantza Irunen buruz ohartxoak

Balizko jarduerako erregulatzaile ordenantza Irunen zirriborroa. Hemen ordenantza jaitsi dezakezu edo Hemen ordenatza irakurri dezakezu